دیالوگی کوتاه با دیوار

^{تي فاشيسمˈ‌فۊبر}

^{أن مي تازه کيتابˇ نامه، هأ ديشبه بينيويشتم. بدأ اول شمه ره واشکافم اصن أن چي ايسه-يأ.}

^{أ ناخۊشي-دانه اول دفأ ايتاليا دۊرۊن چاکۊده بؤبؤ. ايتاليا ايتأ کئواني-يان أنأ چاکۊده. بزين جه اۊيأ کي گيلکان، خئلي اشانˇ غذائان کمه، هنˇ وأستي أرا اۊرا جأ هر چي دينيدي اشانˈ وأ. فيلفؤر اۊنˇ چاکۊدنˈ آمؤجد ؤ أورد نهد خۊشانˇ سفره سر. بدأ أنم شمرأ بگم کي فاشيسمˇ فۊبردن هيچ سختي نأره، أنقد راحته کي شمرأ باور نأيه.}

^{أنم وا بدأنيد کي اگه خأئيد أ کارˈ بۊکۊنيد وا أنأ تکس تکسˈ کۊنيد. چۊنکي نشأ ايجا فاشيسمˈ فۊبردن. ولي أنم خؤره داب ؤ دۊستۊر دأره. فاشيسمˈ شأ گؤفتن ايچي-يه کي وختي همديگرˇ ورجأ ايسيدي دئه نشأ اۊنˈ ايشکنئن ؤ سيوا کۊدن.}

^{أسأ وا بدن، بيشيم أمي کارˇ سر؛}

^{اولي کاري کي وا بۊکۊنيد أنˇ کي شيمي تصميمˈ بيگيريد. وا شيمي مرأ بيگيد}

^{من خأيم مي فاشيسمˈ فۊبرم».}

^{أسأ أنˇ داب ؤ دۊستۊر:}

^{اۊ رۊزه کي خأئيدي أ کارˈ بۊکۊنيد، اگه جۊما رۊز ببه بهتره. أ کارˇ مؤقه، وأستي، چن نفر شيمي ويجا بئسه کي تأنه شيمي پئر، مار، شيمي برار يا خاخۊر ببه.}

^{1-      اول وا نيت بۊکۊنيد. نيت أ کارˇ دۊرۊن خئلي مۊهيمه. نيت کۊدنم أتؤيه کي شيمي چۊمانˈ دوديد ؤ گيدي: مي فاشيسمˈ فۊبرم قؤربتن الا الله». أنأ کي بۊگؤفتي دئه وا تا آخر بيشي. دئه نتأني گؤفتن: خأئي بخأ نخأئي نوأ خأستن».}

^{2-      وختي همه بامؤده، ايتأ سفره واشانيد ؤ شيمي خؤرۊم فاشيسمˈ بنيد سفره دۊرۊن ولي نأ هتؤ خألي خألي. وا اول اۊنˇ دؤرˈ خؤب ديچينيد. أنم بدأنيد تا همه نامؤده نوأ شۊرۊ کۊدنيد.}

^{3-      ايتأ پئن شمبه رۊز، شيدي آستانه، زيارتˇ پسي، وأگردستني، ايتأ نيم کيلۊ آستانه بادام-زيميني-يأ هينيدي. خئلي بپائيد حؤکمن آستانه بادام ببه-یأ، چيني پيني شمرأ دنشاند. نيويره کار سامان نيگيره. بادامˈ فاشيسمˇ فۊبردنˇ پسي ره خأئيم.}

^{4-      بيشيم سفره ديچئنˇ سر:}

^{پلا کي دئه وا بمانه دئه. پلا نبه بخألي سفره دۊرۊن هيچي ننأ. ايتأ ماست-خۊري زيتۊن پرورده، ايتأ پئله-يم بشکفته زيتۊن. شايد اينفرˇ ديل بخأسته. زيتۊنم کي دأنيد، رۊدبارˇ زيتۊن وا ببه. خيارم کي نمانه غذا مزه نۊکۊنه. سير ؤ تۊرب ؤ تۊرشي ؤ ماستˇ جأيم هرتايأ بخأستيد يا هرکسˈ‌بوأسته تأنيد بنيد سفره دۊرۊن. شيمي سفره هرچي پۊرتر ببه،  فاشيسم کمتر به چۊم أيه، أنˇ فۊبردن راحت-تره.}

^{5-      دۊ جۊر قاتؤق، أ مراسمˇ ره تأنيد چاکۊنيد. ایتأ قانۊنم نهأ؛ ميرزا قاسمي-يأ چۊنکي أنˇ واجامˇ جأ مرأ خۊش نأيه، هلماله نوأ چاکۊدنيد.}

^{ايتأ قاتؤق، رشتي فۊسنجانˇ کي أنˇ موادˈ دأنيدي کي مۊرغابي، خۊتکا يا کرک، آغۊزمغز، تۊرشˇ رؤبˇ انار، گرمالت ؤ اگه بخأستيد تأنيد گؤلپرم بزنيد.}

^{بساوسته آغۊزمغزˈ سه چار تأ آبخۊري آب ؤ رؤبˇ انارˇ مرأ نيهيدي گمجˇ دۊرۊن ؤ گازˇ جيرˈ کمˈ کۊنيدي دۊ سه ساعت جۊش بۊخۊره. وا أنأ اۊرشين بزنيد کي تأ نيگيره ؤ آغۊزمغزˇ خامي بۊيم بشه ؤ قاتؤق به رؤغن دکفه. بزين کرکˈ نمک ؤ گرمالتˇ مرأ بنيد کي خؤب بپجه، أنˇ آب واسۊخه ؤ قاتؤق جا دکفه.}

^{تۊرب شمرأ جخترˈ نشه.}

^{اۊيتأ قاتؤقم باقالا قاتؤقه.}

^{تازه باقالا، ايپچه خۊشکˇ باقالا، تازه شيفيد، مۊرغانه، سير، زردˇ جؤبه، گرمالت ؤ نمک ؤ کره.}

^{باقالا دۊ تا پۊستˈ بکنيد ؤ خؤب بۊشؤريد. سيرˈ ارجئن ارجئنˈ کۊنيد ؤ باقالا ؤ زردˇ جؤبه ؤ شيفيد ؤ کره مرأ دۊکۊنيد گمجˇ دۊرۊن. گازˇ جيرˈ کمˈ کۊنيد ايپچه بيبيشته ببه بزين اۊنقد آب دۊکۊنيد کي باقالا سرˈ دٚواره. پئن دقه بمانسته قاتؤق آمادهˈ به، مۊرغانهˈنأ ايتأ ايتأ دشکنيد دۊکۊنيد گمجˇ دۊرۊن ؤ نۊخۊنˈ بنيد انˇ سر. آخربسرم نمک ؤ گرمالت بزنيد.}

^{أ قاتؤقˇ مرأ شۊرˇمائي ؤ زيتۊن پرورده ؤ ماست ؤ تۊرب شمرأ جخترˈ نشه.}

^{شۊمان خأئيد شيمي فاشيسمˈ فۊبريد، نۊکۊنه ئي وخت اۊنˈ به گازˈ گيريد. تۊمامˇ شيمي زحمتأن همه بي-پا به-يأ !}

^{أسأ دئه تأنيد آرام آرامه شيمي فاشيسمˈ بأوريد سفره سر.}

^{اول وا پلا قاتؤقˇ جأ شۊرۊ بۊکۊنيد. سئر کي بؤبؤستيد تأنيد بهتر شيمي فاشيسمˈ فۊبريد. ايتأ دابˇ ديگرم کي وا اۊنˈ بدأنيد ؤ نوأ جخترˈ ديد أنˇ کي:}

^{غذا خۊردنˇ مؤقه نوأ گب بزنيد. وختي کي خأئيد غذا بۊخۊريد، خۊدا ايتأ فريشته اۊسه کۊنه کي ئي لنگي سفره ور به پا بئسه تا شيمي غذا تۊمانˈ به. اگه سفره سر گب بزنيد اۊ فريشته وا ويشتر به پا بئسه ؤ ماندي کۊنه. باقي-يأ کي دئه شمه ره دأنيدي.}

^{شيمي کاسه غذايم وا تا آخر بۊخۊريد. آخري لؤقمه شيمي قؤوته، نوأ اۊنˈ بنيد.}

^{أسأ دئه شمرأ آمادهˈ کۊنيد شيمي نازنين فاشيسمˇ فۊبردنه.}

^{1-      تۊمامˇ کارانˈ دسˇ راستˇ مرأ بۊکۊنيد.}

^{2-      کچهˈ اۊسانيد اۊنˈ چار خاج بۊکۊنيد.}

^{3-      اولي خاجˈ کچله انگۊشت ؤ انگۊشتˇ شصتˇ مرأ بيگيريد ؤ فۊبريد.}

^{هني گمˈپرواز هماى (گيلکي خأني-يان)}

ايتأ کۊجي دانه داستان

مگز _ محمدعلی اخوات (وارش فومنی)

ؤ ,کي ,شيمي ,وا ,ايتأ ,دۊرۊن ,شيمي فاشيسمˈ ,سفره سر ,گمجˇ دۊرۊن ,کي شيمي ,سفره دۊرۊن